ՌԴ Անվտանգության խորհրդի փոխնախագահ Դմիտրի Մեդվեդևը մեկնաբանել է Ուկրաինայի նախագահ Վլադիմիր Զելենսկու դեմ մահափորձի նախապատրաստման մասին հրապարակումները։

«Հավանական է, որ սա կարող է լինել առաջին ապացույցն այն մասին, որ Արևմուտքը որոշել է լիկվիդացնել նրան», - իր Telegram ալիքում գրել է նա։

Նախօրեին՝ ապրիլի 18-ին, անվտանգության ծառայությունը և Ուկրաինայի գլխավոր դատախազությունը հայտարարեցին Լեհաստանի քաղաքացու կալանավորման մասին։ Նրանց խոսքով՝ նա համագործակցել է ռուսական հետախուզական ծառայությունների հետ և նրանց օգնություն առաջարկել՝ Զելենսկու դեմ մահափորձ նախապատրաստելու հարցում, երբ նա ժամանել է Լեհաստան։ Հետաքննությունը կարծում է, որ տղամարդը պետք է տեղեկատվություն տրամադրեր լեհական Rzeszow-Jasionka օդանավակայանում անվտանգության միջոցառումների մասին։