Վրաստանի խորհրդարանը հայտարարություն է տարածում ապրիլի 15-ին անվտանգության լրացուցիչ միջոցառումների մասին, հայտնում է Վրաստանի Առաջին ալիքը։
Ինչպես նշել են խորհրդարանում, ապրիլի 15-ին Վրաստանի խորհրդարանի շենքում կգործի անվտանգության «դեղին» մակարդակ։
«Վրաստանի խորհրդարանի նախագահի՝ Վրաստանի խորհրդարանի շենքում անվտանգության կանոններ հաստատելու մասին, 2023 թվականի սեպտեմբերի 4-ի N1/259/23 հրամանի համաձայն,այս տարվա ապրիլի 15-ին խորհրդարանի պալատում կգործի անվտանգության «դեղին» մակարդակ, այցելուների համար մուտքը խորհրդարանի շենք կսահմանափակվի:
Նախատեսված խորհրդարանական միջոցառումներին (ներառյալ հանձնաժողովների նիստերը) մուտք կունենան միայն համապատասխան կառուցվածքային միավորների կողմից հրավիրված անձինք: Սահմանափակումը չի տարածվում հեռուստաընկերությունների/հեռուստամեդիայի հավատարմագրված լրագրողների վրա։
Այս միջոցառման նպատակը Վրաստանի խորհրդարանի շենքում աշխատանքային և անվտանգ միջավայրի ապահովումն է»,- ասված է Վրաստանի խորհրդարանի հայտարարության մեջ։