Տավուշի թեմի առաջնորդ, «Տավուշը հանուն հայրենիքի» շարժման առաջնորդ Բագրատ Սրբազանին մի քանի շարքով պատ կազմած ոստիկանները թույլ չտվեցին գնալ Կիրանց գյուղ։
«Ինչի՞ եք էսպես շարվել»,- դիմելով ոստիկաններին՝ հարցրեց Սրբազանը, ոստիկաններն էլ պատսխանեցին, թե ծառայում են Հայաստանի Հանրապետությանը
Բագրատ Սրբազանը հարցրեց, թե ինչո՞ւ են իրենց դիմացը փակել, ոստիկաններն ասացին, որ գործողություն է կատարվում, չի թույլատրվում մտնել գյուղ։
Սրբազանին մոտեցավ մարզային վարչության պետ Արթուր Մկրտչյանը, շնորհավորեց Բագրատ Սրբազանի տարեդարձն ու ասաց, որ ԱԱԾ-ն է հայտարարություն տարածել, որ մուտքը ժամակավորապես դադարեցված է՝ բացառությամբ գյուղի բնակիչների։
«Գյուղի բնակիչ եմ, Թեմի առաջնորդն եմ։ Թույլ տվեք անցնենք, հանգիստ գնալու ենք բնակիչների տեսնենք․ խնդիր մի հարուցեք։ Եթե գյուղացիներին կարելի է, ապա բոլորիս կարելի է»,- ասաց Սրբազանը։
Արթուր Մկրտչյանն արձագանքեց․ «Չենք հարուցում, չենք կարող, ժամանակավորապես դադարեցված է»։
