ԵՄ արտաքին հարաբերությունների եւ անվտանգության քաղաքականության բարձրագույն ներկայացուցիչ Ժոզեպ Բորելը կարծում է, որ Կիեւին ամերիկյան օգնության ձգձգման պատճառով Ուկրաինայի Զինված ուժերի մարտունակությունը խիստ նվազել է։
«Ցավոք, ԱՄՆ-ը վեցամսյա դադար է տվել Ուկրաինային զինամթերքներ տրամադրելու հարցում»,- ասել է ԵՄ դիվանագիտության ղեկավարը Մադրիդում կազմակերպված կոնֆերանսում։ «Այդ վեց ամիսները կրիտիկական էին, ուկրաինական բանակի մարտունակությունը նվազել է, ընդ որում՝ խիստ»,- նշել է նա։
Ապրիլի 24-ին ԱՄՆ նախագահ Ջո Բայդենը ստորագրել է Կոնգրեսի հաստատած օրինագիծը Ուկրաինային զենքի տրամադրումը վերականգնելու մասին՝ 61 մլրդ դոլար ընդհանուր գումարի չափով։ Ինչպես ընդգծել են ՌԴ ԱԳՆ-ում, Կիեւին ռազմական օգնության տրամադրումը միայն բարդացնում է հակամարտության կարգավորումը։
