«Եվրոնեսթի» Խորհրդարանական վեհաժողովը ԵՄ-ին կոչ է արել ավելացնել հումանիտար եւ ֆինանսական օգնությունը Լեռնային Ղարաբաղից բռնի տեղահանված անչափահասների կարիքները բավարարելու համար։ Այս մասին Ազգային ժողովում, լրագրողների հետ մարտի 28-ի հանդիպման ժամանակ, ասել է «Եվրոնեսթի» ԽՎ-ում Հայաստանի ԱԺ պատվիրակության անդամ, կառավարող «Քաղպայմանագիր» կուսակցության պատգամավոր Մարիա Կարապետյանը՝ Բրյուսելում կայացած լիագումար նիստի աշխատանքի մանրամասները ներկայացնելով։
«Եվրոնեսթի» Խորհրդարանական վեհաժողովը, նրա խոսքով, 11-րդ լիագումար նիստում ընդունված բանաձեւի շրջանակում, Եվրամիությանը եւ նրա մեջ մտնող պետություններին կոչ է արել ավելացնել հումանիտար եւ ֆինանսական օգնությունը, որը ցուցաբերվում է Հայաստանին ուղիղ բյուջետային աջակցության եւ միաջզգային կազմակերպությունների միջոցով։ Խոսքը, մասնավորապես, Լեռնային Ղարաբաղից բռնի տեղահանված անչափահասների օգնության մասին է։