Սա ՄԱԿ-ի Անվտանգության խորհրդի կողմից հաստատված առաջին նման կոչն է Համաս խմբավորման դեմ Իսրայելի պատերազմի ժամանակ, որը 2023 թվականի հոկտեմբերին հարձակում է իրականացրել Իսրայելի տարածքի վրա։
Նախկինում ԱՄՆ-ը դեմ էր Անվտանգության խորհրդի բանաձեւերին, սակայն այս անգամ Վաշինգտոնի ներկայացուցիչը ձեռնպահ մնաց քվեարկությունից։
Այն, որ ԱՄՆ-ն չի արգելափակել ՄԱԿ-ի Անվտանգության խորհրդի ներկայիս բանաձեւը, վկայում է Գազայի հատվածում գործողության շուրջ Վաշինգտոնի և Իսրայելի միջև աճող հակասությունների մասին:
Մասնավորապես, ամերիկյան իշխանությունները քննադատել են Իսրայելին՝ Գազայում խաղաղ բնակչության շրջանում աճող զոհերի պատճառով։ Համաձայն ՀԱՄԱՍ-ի կողմից վերահսկվող առողջապահության նախարարության տվյալների՝ պատերազմի սկզբից ի վեր Գազայում սպանվել է ավելի քան 32 հազար մարդ, որոնց մեծ մասը կանայք և երեխաներ են: