Ոստիկան հայրն ու նրա ոստիկան որդիները ծեծել են իրեն պարտականությունները կատարող 2 այլ ոստիկանների:
Ինչպես NEWS.am-ը տեղեկանում է Հայաստանի հատուկ քննչական ծառայությունից, ՀՔԾ-ում քննվող քրեական գործով ՀՀ ոստիկանության Արարատի բաժնին կից ՊՊՎ պահպանության բաժանմունքի պետ, ոստիկանության փոխգնդապետ Ռ. Արթենյանին, վերջինիս ավագ որդուն՝ ՀՀ ոստիկանության Վայոց ձորի մարզային վարչության Վայքի բաժնի հերթապահ տեսուչ, ոստիկանության լեյտենանտ Ս. Արթենյանին, եւ կրտսեր որդուն՝ Սր. Արթենյանին, մեղադրանք է առաջադրվել ՀՀ քրեական օրենսգրքի 316-րդ հոդվածով (Իշխանության ներկայացուցչի նկատմամբ բռնություն գործադրելը):
Նախաքննությամբ պարզվել է , որ 2011 թվականի հունվարի 21-ին՝ ժամը 23:50-ի սահմաններում, նրանք իրենց ծառայողական պարտականությունները կատարող՝ ՀՀ ոստիկանության Արարատի բաժնի քրեական հետախուզության բաժանմունքի օպերլիազոր Ա. Ասատրյանի, անչափահասների գործերով բաժանմունքի ավագ օպերլիազոր Ռ. Սաղաթելյանի եւ նույն բաժանմունքի տեսուչ Ռ. Միսակյանի նկատմամբ վտանգավոր բռնություն գործադրելու եղանակով պատճառել են տարբեր աստիճանի մարմնական վնասվածքներ: Նրանց նկատմամբ կիրառվել է կալանավորում:
Նախաքննությունը շարունակվում է: