Այսօր՝ դեկտեմբերի 13-ին ժամը 13.05 սահմաններում Երեւանի Տիգրան Մեծ, Արշակունյաց եւ Խանջյան փողոցների խաչմերուկում կողոպուտ է տեղի ունեցել։ Մոտ 20 տարեկան երկու երիտասարդներ նշված խաչմերուկում հարձակվել են մի կնոջ վրա, որը տաքսի նստելիս է եղել, եւ գողացել են նրա պայուսակը։
Ականատեսները NEWS.am-ի թղթակցին փոխանցեցին, որ այդ պահին դեպքի վայրում գտվող ոստիկանության աշխատակիցը հասցրել է ձերբակալել երիտասարդներից մեկին, սակայն հանցավոր խմբի մյուս անդամը հասցրել է փախչել՝ պայուսակով հանդերձ։ Ականատեսների փոխանցմամբ, ամենայն հավանականությամբ հարձակումը կազմակերպված է եղել, քանի որ հանցագործները, կարծես նախապատրաստված էին եղել կողոպտելու հենց այդ կնոջը։ Դեպքի վայրում գտնվող քաղաքացիական հագուստով ոստիկանը ձերբակալման պահին կրակել է եւ օգնության կանչելով ոստիկանության այլ աշխատակիցների, երիտասարդին տարել է ոստիկանության բաժին:
Տեղեկացնենք, որ միջադեպի մասին տեղեկությունը եւ տեսանյութը NEWS.am-ի խմբագրությանն է փոխանցել կայքի ընթերցողը, ով, սակայն, չցանկացավ հրապարակել իր անունը։